Pakabuklan a 309,518 a tattao wenno 84,415 a pamilia kadagiti dadduma a rehion ti Luzon ti naapektaran iti tropical cyclone Nika ken Ofel, kas pinasingkedan ti National Disaster Risk Reduction and Management Council.
Dagiti apektado nga umili ket manipud iti Ilocos Region, Cagayan Valley, Central Luzon, Bicol, ken Cordillera Administrative Region.
26,923 nga umili wenno 8,676 pamilia ti agtaltalinaed kadagiti evacuation center idinto a 19,572 nga umili wenno 5,653 a pamilia ti kimmamang kadagiti sabali a lugar.
Saan met a bumaba iti dua ti nadunor iti Central Luzon iti baet ti panagduprak ti bagyo Nika ken Ofel.
Umabot met iti P320,658,974 ti nairekord a nadadael iti imprastraktura iti Central Luzon.
2,394 a pagtaengan ti nadadael – 2,158 ti partially ken 236 met ti totally a ti kaaduan kadagitoy ket idiay Cagayan Valley nga adda 1,921 a pagtaengan ti nadadael.
