VIGAN CITY– Agdagup iti 373 a kandidato para iti Barangay ken Sangguniang Kabataan (SK) election iti Region 1 ti maatap nga adda pakainaigan na iti iligal a droga kas pinatalgedan ni PC/Supt. Romulo Sapitula, regional director ti Police Regional Office (PRO) -1.
Manipud iti pakadagupan a bilang , idiay Pangasinan iti kaadduan 42 para iti kapitan, 162 para iti kagawad, dwa para iti SK chairman ken tallo para iti SK kagawad idinto nga iti Ilocos Sur ket 12 para iti barangay kapitan, 91 para iti barangay kagawad, tallo para iti SK chairman ken dwa para iti SK kagawad.
Kabayatanna, idiay La Union ket 10 a para barangay kapitan, 20 a para barangay kagawad ken maysa a para iti sk chairman idinto nga idiay Ilocos Norte ket innem para iti kapitan ken 33 para iti barangay kagawad.
