VIGAN CITY- Nasurok a dua pulo ribo iti nagipila ti certificate of candidacy iti sibubukel a probinsya para ti Barangay ken Sangguniang Kabataan election inton May 14, 2018 .
Ti pannakaiuman ti Bombo Radyo Vigan ken ni Atty. Rhodora Arrocena, Provincial Commission on Elections Supervisor, pakabuklan a dua pulo ribo tallo gasut ket innem iti agpapili para kadagiti naduma-duma a posisyon kas iti 1,538 para iti barangay kapitan; 11, 089 para iti barangay kagawad; 1,640 para ti SK Chairman ken 6,039 para ti SK Kagawad.
Kabayatanna, inlawlawag ni Arrocena a boluntaryo iti panagpadrug test dagiti kandidato ngem napinpintas nu dumalan da amin iti drug test tapnu mapaneknekan a saan da nga agar-aramat iti iligal a droga ken tapnu agtalek kadakuada dagiti tattao.
