--Ads--
Isingsingasing ni Interior Secretary Jonvic Remulla ti pannakaikkat ti Sangguniang Kabataan, gapu iti isyu ti mapapati a korapsion dagiti dadduma nga SK chairman iti Makati City.
Segun ken ni Remulla, no isuna laeng ti masurot ket sukatanna ti istraktura ti SK.
Ngem no maaddaan ti constitutional change ket isingasingna ti panakaikkaten ti SK ta makitada a nagbalinen a kultura manipud kinaubing a ti korapsion ket gagangay.
Innayon pay ni Remulla a kagudwa kadagiti SK official ti pagilian ti saan nga aktibo a tumungtungpal iti responsibilidadda kalpasan ti umuna a tawen ti terminoda, ken masansan a masukatan laengen ti madutokan nga officer-in-charge.
-- ADVERTISEMENT --
