Nasurok 200 a piraso ti maiparit a palpalibang ti nakumpiskar dagiti pannakabagi ti linteg iti naiwayat nga entrapment operation iti ili ti Cabugao.
Nakemmeg met ti maysa a suspek a lalaki nga agtawen iti tallopulo ket tallo.
Iti pannaki-uman ti Bombo Radyo Vigan ken ni PLTCOL. Rogelio Remiendo, dagiti 248 a dart bomb firecrackers a naikabil iti karton ket aggatad iti P8,500.
Nakumpiskar manipud iti operasion ti maysa a Honda Jazz a lugan, ID, P100 peso bill, pito a P1000 peso bill, ken 248 a piraso ti red unlabeled firecracker and Pyrotechnic device Dart Bomb nga agmaris iti red, orange, ken blue.
Sangwen ti suspek ti kaso a panaglabsing iti Sec 3 ti Republic Act 7183 wenno ti An Act Regulating the Sale, Manufacture, Distribution, And Use of Firecrackers and Other Pyrotechnic Devices.
