--Ads--
Saan nga immatendar iti imbestigasion ti nasurok sangapulo a personnel ti Senado a napaayaban mainaig iti napasamak a shootout incident iti uneg ti Senado idi Mayo 13.
Immunan a naipadamag nga inserbi dagiti kameng ti Philippine National Police – Criminal Investigation and Detection Group (PNP-CIDG) dagiti subpoena kadagiti nadakamat nga staff.
Kinumpirma ni CIDG Director Major General Robert Alexander Morico II a nasurok sangapulo nga empleyado ti karaman iti subpoena.
Saan metten a nainaganan dagituy ngem impaganetget ni Morico a nangipatulod ti opisial a surat dagiti personnel tapno ipalawag ti saanda a panagatendar.
-- ADVERTISEMENT --
