Nasarakanen ti bangkay ti maysa nga overseas Filipino worker a napukaw iti napalabas a dua a bulan.
Segun ken ni Foreign Affairs Undersecretary Eduardo de Vega, ti bangkay ti OFW ket agruprupsan a nasarakan iti uneg iti pagtaengan iti maysa a Kuwaiti citizen.
Segun ti Embahada, pinasingkedan dagiti polis a maibasar ti interrogation-da ket dua a bulanen manipod natay ti biktima ngem kasapulan pay ti Forensics iti supporting evidence.
Kinuna ni de Vega a naisukon kadagiti otoridad ti mapapati a suspek babaen ti kabsatna ngem saanda a makaala ti pudno nga impormasyon inaig iti pannakatay ti biktima ta mapapati a nakausar ti droga ti suspek.
Nu pay kasta ket saanen a nangted pay ni de Vega ti nayon nga impormasyon ta manarimaan iti panang-contact ti embahada ti pamilia ti natay a domestic worker.
