Binigbig ni House Speaker Faustino Bojie Dy III ti napateg nga akem dagiti barangay official tapno makadanon kadagiti umili ti program nga ap-aprubaran ti Kongreso ken ipatpatungpal ti gobierno.
Inaramid ni Dy ti pammigbig babaen ti maysa a video message iti Liga ng mga Barangay sa Pilipinas (LNB) National Congress kagiddan ti panangipannakkel na kadagiti naaramat a linteg ti Kongreso a makatulong para kadagiti umili.
Impaganetget ti agpampanday linteg nga uray kasano kina-adu ti linteg nga ar-aramiden ti gobierno ket awan ti serbi na daytoy no saan a marikna dagiti Pilipino isu a binigbig na ti napateg nga akem dagiti barangay officials a maysa da a mangipatpatungpal kadagituy.
Innayon pay ti house speaker a ti barangay ket isu ti umuna a pagkamangan dagiti indibidwal iti amin a sangay ti gobierno isu a napateg ti papel da para iti “nation building”.
