Nagpanawagan ni Presidente Ferdinand Marcos Jr iti Kongreso a dagus nga amyendaran ti Electric Power Industry Reform Act (EPIRA) tapno maikkat ti system loss charge nga impasa dagiti consumer kas paset ti binulan a singir ti kuryente.
Iti maikalima a SONA ni PBBM, pinasingkedanna a nalawag iti gobierno ti panawagan ti publiko a mapababa ti presio ti kuryente iti pagilian.
Segun ken ni presidente Marcos, saan a masapul nga ipasa kadagiti consumer ti system loss gapu ta awan ti basol da iti panagawan ti kuryente bayat a dumaldalan daytoy iti transmission ken distribution system.
Gapu daytoy kiniddaw ni Marcos ti dagus a panang-amyendar ti EPIRA tapno iparit ti panagsingir ti system loss kadagiti consumer, pakairamanan ti maipat-pataw a value added tax.
