Pinaglibakan ni Senador Loren Legarda dagiti pammabasul ni Ombudsman Jesus Crispin Boying Remulla a karaman isuna iti binilyon nga anomalya iti solar franchise a naala ni Batangas Rep. Leandro Leviste iti Kongreso.
Segun ken ni Legarda, saanna nga iyadayo iti turong ti integridad ti panagserbi na iti pagilian nangrugi pay idi 1998 isu a pagdudua-an na ti timing iti panagirruar ti akusasion.
Kagiddan daytoy, nagpanawagan ti senador iti publiko nga agbalin a nasirib mainaig kadagiti akusasion a kimmita da nga agina iti binilyon a solar franchise a saan a naipatungpal kas panangsurot iti inkeddeng ti linteg.
Karaman ni Legarda iti minorya ti Senado, pakairamanan dagiti nakabalud a da Senador Jinggoy Estrada ken Senador Rodante Marcoleta, kasta pay ti agduldulin a ni Senador Ronald Bato Dela Rosa.
