--Ads--
Pinaglibakan ni Senador Panfilo “Ping” Lacson dagiti damag nga agkidkiddaw ti asylum ni Senador Loren Legarda iti sabali a pagilian ken inawagan na daytoy a fake news.
Pinasingkedan ni Lacson a saan nga agpayso ti damag gapu ta awan pay met ti kaso a naipila kontra ken ni Legarda.
Nupay kasta, ni senador Legarda ken ti anak na a ni Batangas Rep. Leandro Leviste, ken dati nga Energy Secretary Alfonso Cusi ket sumangsango iti preliminary investigation iti Office of the Ombudsman mainaig iti alegasion ti P10 bilyon ghost solar projects.
Maipalagip a pimmanaw ti senador kadua ti anak na iti pagilian idi Agosto 2 no sadino naka medical leave isuna manipud idi Agosto 3.
-- ADVERTISEMENT --
