--Ads--
Pinasingkedan ti Philippine Navy a saan nga agpa-abak dagiti suldado a Pilipino a nadutokan iti West Philippine Sea iti baet ti kumarkaro a word war iti nagbaetan ti Pilipinas ken China.
Segun ken ni Navy spokesperson Rear Admiral Roy Vincent Trinidad, agtaltalinaed a buo ken dakkel ti morale ti grupo ti gobierno gapu ta maawatan da ti mandato ken husto a sitwasion iti kabaybayan.
Innayon ti opisial a saan a literal nga adda iti frontline dagiti suldado ngem naun-uneg ti panangawat da iti isyu.
Iti kinapudno, maragsakan laeng dagiti grupo iti sitwasion ken saan da nga agpa-apekto iti tagari ti politika.
-- ADVERTISEMENT --
Pinasingkedan ni Trinidad a saan a pada a Pilipino ti kalaban no di ket dagiti gangannaet a sumsumrek iti teritoryo ti pagilian.
