VIGAN CITY – Kaaduan kadagiti nalalaing a shooters ditoy pagilian ket inikkat ti Philippine Olympic Committee iti listaan dagiti makipaset ti maika-tallo pulo nga edisyon ti Southeast Asian Games ditoy pagilian.
Dayta iti inbutaktak ni dati nga Ilocos Sur governor- Narvacan Mayor Luis “Chavit” Singson nga isu iti presidente ti Philippine National Shooting Association (PNSA).
Segun ken ni Singson, naapektaran ti Philippine delegation iti benneg ti shooting competition iti riribok iti liderato ti POC isu a kidkiddawen na kenni Bambol Tolentino nga isu iti baro a POC president a simpaen dan iti komite tapnu awanen iti sabali pay nga ay-ayam a maapektaran.
Masayangan ti opisyal ta segun kenkuana, dagiti naikkat iti delegasyon ti Pilipinas iti shooting competition ket sigurado kuma a makaited iti balitok a medalya para iti pagilian.
