Impaganetget ni Senate President Chiz Escudero a saan a rumbeng a pagbutngan ken pakadanagan ti naipila a petisyon ni dati nga Executive Secretary Vic Rodriguez ken Davao City Rep. Isidro Ungab iti Korte Suprema kontra iti 2025 national budget.
Segun ken ni Escudero, awan ti parikot kenkuana dagiti petisyon a mangkukwestyon iti aniaman a linteg a maipaspasa iti Kongreso.
Ti addang ket gundaway a makipaset iti proseso ti budget ken kas ti executive ken legislative ket makitan iti agbalin nga akem ti judicial branch.
Ti naipila a petisyon kontra iti P6.326 trillion 2025 national budget ket saan a rumbeng a pagbutngan ken pakadanagan ta paset dayta iti napigsa ken natibker a demokrasya iti pagilian para iti aniaman a linteg pakairamanan ti national budget.
Innayonna a rumbeng laeng a sangwen ken sungbatan dagiti opisyal ti gobierno ket nu kas bilang saan nga aggiin-nanamong ket korte laengen iti mangngeddeng nu siasino iti husto ken saan ken nu siasino iti adda pagkuranganna ken awan.
