--Ads--
VIGAN CITY – Makitintinnulong ti Bureau of Fire Protection iti ili ti Narvacan kadagiti pannakabagi ti linteg para iti naan-anay a monitoring iti entry ken exit points iti nasao nga ili.
Nainget a mabambantayan tatta iti ili a Narvacan kalpasan a naimaldit ti kaunaan a kaso ti COVID19 isu a kitkitaenda a naimbag dagiti sumsumrek no sumursurotda met laeng kadagiti pagannurotan kas ti social distancing ken panagaramatan ti facemask agsipud ta mamuelta dagiti aglabsing.
Malaksid iti dayta, maidalan pay dagiti umili iti thermal scanning tapno masigurado a saanda nga aggurigor kabayatan iti panagturongda iti nasao nga ili.
No pay kasta, agtultuloy latta ti inspeksion dagiti kameng ti BFP kadagiti business establishment tapno maliklikan iti uram.
-- ADVERTISEMENT --
