VIGAN CITY – Inbalakad ni dati a Health Secretary ken agdama nga Iloilo Rep. Janette Garin a masapul iti nainget a koordinasyon ti Department of Health (DOH) kadagiti regional health offices ken kadagiti local government units tapnu naep-epektibo dagiti addang nga iwaywayat da kontra ti 2019 novel coronavirus.
Dayta ket iti laksid a novel coronavirus free pay laeng iti pagilian.
Ti pannaki-uman ti Bombo Radyo Vigan ken ni Garin, masapul iti nainget a koordinasyon ti DOH kadagiti LGU ta isuda ti frontliners iti panangparmek iti nasao a virus iti local level.
Innayon na pay a nadardaras iti panangbigbig kadagiti posible a pasyente nga apektado iti nasao a sakit kadagiti naduma-duma a paset iti pagilian babaen iti tulong dagiti local nga opisyal.
