Tallo a menor de edad ti nadundunor iti nagsisina nga insidente a mainaig iti “kwitis” firecracker iti probinsiya iti panawen ti Paskua ken Baro a Tawen.
Napasamak ti immuna nga insidente idi December 26, 2024, iti alas 3:40 ti malem idiay Barangay Pug-os, Sinait.
Ti biktima ket agtawen iti sangapulo ket maysa, Grade 11 student, nagsagaba ti burn injury ti makannawan a ramayna gapu ti panangpadasna a sindian ti black powder a linaon ti kwitis.
Naipan ti biktima ti Ilocos Sur District Hospital-Sinait para iti pannakatamingna.
Ti maikadua nga insidente ket pakairaman ti maysa nga ubing nga agtawen iti uppat idiay Barangay Dinalaoan, Narvacan, idi December 29, 2024, iti alas 9:00 ti bigat.
Nakapidot ti ubing ti unexploded kwitis ket sinidianna babaen ti posporo.
No pay saan a bimtak, ngem nangiruar ti apoy a rason ti burn injury iti right thumb ti biktima.
Naipan ti biktima iti Ilocos Sur District Hospital-Narvacan ken nairuar iti dayta met laeng nga aldaw.
Ti maikatlo nga insidente ket pakairamanan ti agtawen ti sangapulo ket tallo, estudyante, residente ti Brgy. Cabaroan, Sta. Maria.
Naammuan iti imbestigasion a makiay-ayam ti biktima kadagiti gagayyemna iti igid ti Riverside idi nakitada ti unexploded ”Kwitis,” ket innalana ken inkabilna iti plastic bottle.
Ti gayyemna ti nangsindi iti “Kwitis” babaen ti panangusar iti lighter, ngem saan a nagtayab ti “Kwitis” no di ket bimtak a nakabettakan ti nakaipananna a plastic bottle a rason a natamaan iti makinkannawan nga ima ti biktima.
Nagsaba ti biktima ti dunor iti ramayna ket naipan iti Ilocos Sur District Hospital-Narvacan para iti dagus a pannakatamingna.
