VIGAN CITY – Naipaagas idiay San Ildefonso Rural Health Unit da Jerren de Guzman nga agtawen ti dua pulo ket walo, baro ken agnaed idiay Balaleng, Bantay a nagmaneho iti rusi motorcycle kenni Elmer Blanco nga agtawen ti lima pulo ket pito, naasawaan ken agnaed idiay Ricudo, Sinait a nagmaneho iti Toyota Vios gapu iti aksidente a nakairamanan da idi alas tres iti malem idi September 8.
Ti nasao nga aksidente ket napasamak idiay national highway ti Poblacion East, San Ildefonso.
Maibasar iti inisyal nga imbestigasyon, agpapa-amyanan ni De Guzman idi mapapati nga immagaw iti linya isu nga aksidente a naidungpar iti kotse a minaneho ni Blanco a naggapu iti abagatan a direksyon.
Kabayatanna, sumar-saruno met ken ni Blanco ni Nario Mendoza a nagmaneho ti Hyundai Accent ket idi nakita na iti panagdinnungpar ti kotse ni Blanco kenni De Guzman, naglisi isuna ngem nasapgid na latta iti sikigan iti kotse ni Blanco.
