Maysa a grade 2 pupil iti aksidente a nadungpar iti nakamotorsiklo iti provincial road idiay Barangay Cabaritan, Sto. Domingo, Ilocos Sur iti alas dies kuarentay singko iti bigat idi kalman April 12, 2025.
Ti nagmaneho iti Honda Click 160 motorcycle ket ni Christian Cortez Pagay, agtawen iti duapulo ket dua, nga agnaed idiay Barangay Puro, Magsingal idinto a ti pedestrian ket ubing nga agnaed idiay Barangay Quimmarayan, Sto. Domingo.
Bayat ti panagpadaya a direksyon ti nakamotorsiklo ket kellaat a nagballasiw ti ubing a naggapu iti bagatan nga agturong iti amianan isu nga aksidente a nadungpar iti nakamotor.
Gapu dayta ket nagsagaba ti driver ken ubing iti dunor iti nadumaduma a paset ti bagida isu a naipan iti Magsingal District Hospital babaen kadagiti nagresponde a Bureau of Fire Protection personnel para iti pannakatamingda.
