VIGAN CITY – Dua nga indibdual ti nadundunor ta naaksidenteda idiay Brgy. Mabilbila Sur, Santa.
Nabigbig ti driver ti Toyota Fortuner a ni Constante Sabalburo agtawen ti lima pulo ket maysa agnaed ti Brgy. Sacuyya Norte ken ti Hondo TMX a minaneho ni Oliver Calibuso agtawen ti uppat a pulo ket dua ken ti kalubbonna a ni Jolly Mae Calibuso agtawen ti dua pulo ket siam agnaed idiay Brgy. Rizal, Santa.
Basar ti report ti Santa Municipal Police Station, agpada nga agpapaamianan a direskyon dagiti dua a lugan idi makadanunda ti nasao a lugar ket agsikko iti kannigid a paset ti kalsada ti SUV ngem saan a napakadaan ni Calibuso iso a nadungparna ti lugan ni Sabalburo.
Insigida a naipan iti RHU Santa dagiti dua para ti naan-anay a pannakatamingda idinto a saan a naan-ano ti drayber ti Toyota.
Ti agdama agtultuloy iti imbestigasyon dagiti otoridad inaig iti napasamak nga aksidente.
