Nadangran dagiti nagkalubbon iti motorsiklo gapu iti pannaka-aksidenteda idiay Barangay Dardarat, Tagudin, Ilocos Sur.
Nabigbig ti drayber ti Yamaha Mio 125 a motorsiklo a ni Anthony Gonzales Cariaso, agtawen iti duapulo ket maysa, taga-Barangay Sta. Rita, Bacnotan, La Union, awan helmet a suotna.
Ti met backride ket ni Kristine Bucat, agtawen iti duapulo, estudiante, awan suotna a helmet, taga-Barangay Poblacion, Bacnotan, La Union.
Agpapa-abagatan ti motorsiklo idin ta saan a nakabalanse idi magtengda ti saan a patas a kalsada kabayatan ti panagmanehona manipud iti igid ti kalsada a mapan iti main road ket saanna a nakontrol ti manibela ti luganna.
Gapu dayta, nagsagaba iti lemma ti bagida dagiti nagkalubbon idinto a madukduktalan pay laeng no mano ti gatad iti pannakapaistimar ti dadael ti lugan.
