Dead on arrival dagiti nagkalubbon iti motorsiklo a nadungpar ken naatalan iti trak idiay Barangay Langlangca 2nd, Candon City, Ilocos Sur.
Karaman iti aksidente dagiti dua a motorsiklo nga NMAX ken Honda Click ken maysa a dump truck.
Iti pannaki-uman ti Bombo Radyo Vigan ken ni PLT. Jovelyn Antalan, agpapa-abagatan dagiti dua a motorsiklo idin ta nag-overtake ti Click iti sarsarunwenda a lugan.
Idi nagpreno ti Click, isu met ti gundaway a simmaruno kenkuana ti NMAX.
Saan a napakadaan ti NMAX ti bigla a panagsardeng ti Click isu a natukbobna daytoy nga isu ti rason a naipanda iti bangir a linya ket dita a nadungpar ken naatalan ida ti trak a sumungad.
Kabayatanna, ti met drayber ti Click ket nadunor ti kannigid a dakulapna nga ita ket agpapalaing iti ospital idinto a saan a naan-ano ti drayber ti trak.
