--Ads--
VIGAN CITY – Maysa a kotse ken motorsiklo iti nadinnungpar idiay Brgy. Barangobong, Sta. Lucia.
Nabigbig ti nagmaneho iti motorsiklo a ni Karl Jasmine Toquero, agtawen ti sangapulo ket innem ken agnaed iti Brgy. Ayusan, Sta. Lucia idinto a ti nagmaneho iti kotse ket ni Pat. Ronel Adayan, agtawen ti duapulo ket tallo, baro, PNP member a na-assign idiay RPHAS, PRO1, San Fernando City, la Union ken agnaed idiay 60-A, Caaoacan, Laoag City, Ilocos Norte.
Maibasar iti inisyal nga imbestigasyon, agpapadaya a direksyon ti motorsiklo idi naidungpar iti kotse a nagresultaan iti pannakadunor ni Toquero isu a naipan iti Sta. Lucia District Hospital idinto a saan a naan-anu ni Adayan.
Kabayatanna, saan pay laeng a naamuan nu manu iti gatad iti nadadael.
-- ADVERTISEMENT --
