--Ads--
VIGAN CITY – Awan iti nadangran iti pannakauram ti maysa a pagtaengan idiay Barangay San Pedro Norte, Vigan City idi rabii.
Ti nasao a pagtaengan ket kukua ni Rey Ong nga agtawen ti lima pulo ket pito.
Maibasar iti inisyal nga imbestigasyon ti Bureau of Fire Protection- Vigan City, naliwayan ni Ong iti lutlutwen na a tengnged iti manok ket idi dimmakelen iti apoy, nakita dagiti karruba na isu nga immarayat da ket nadepdep nga insigida.
Agsipud iti dayta, nagpalagip dagiti kameng ti BFP iti publiko a saan a panawan dagiti lutlutwen a taraon tapnu saan nga isu iti pagtaudan iti uram.
-- ADVERTISEMENT --
