Manamnama nga idatag ni Presidente Ferdinand Marcos Jr. dagiti naaramidan ti administrasion na iti napalabas a tawen ken dagiti priyoridad a linteg iti maikalima nga State of the Nation Address (SONA) a mapasamak ita nga aldaw.
Segun iti Malakanyang, agserbi ti SONA a panangipadamag dagiti naaramidan ti gobierno ken dagiti gakat a kayat nga isingasing ti administrasion kadua ti Kongreso iti nabatbati a dua a tawen a termino ni Marcos.
Pinasingkedan ni Presidential Communications Office (PCO) Secretary Dave Gomez a kadawyan a maibaga iti SONA dagiti nagballigian ti administrasion ken ti legislative agenda-na.
Impaganetget ni Gomez a ti presidente mismo ti nagsurat ti talumpati na babaen kadagiti damag manipud iti nadumaduma nga ahensia ti gobierno.
Innayon na a pay a gagem ti SONA nga ipakaammo iti publiko dagiti naaramidan ti gobierno ken no kasano na a Sinango ti agduduma a karit iti ekonomiya.
