VIGAN CITY – Uppat a tattao ti nadangran ta naaksidente ti naglugananda a Wing Van truck idiay Sitio Namita, Brgy. Malaya, Cervantes
Nabigbig ti nagmaneho a ni Rolly Pichay, agtawen ti uppat a pulo ket dua , agnaed iti siudad ti Vigan idinto dagiti helperna ket nabigbig a da Adrin Sudino, agtawen ti duapulo ket pito a taga siudad ti Vigan, Edmar Patubo ken Christian Perado, agpada nga agtawen ti sangapulo ket siam ken agpada nga agnaed iti Brgy.Naguidayan, Bantay
Segun ti Cervantes Municipal police Station, nakaawatda ti tawag manipud kenni Alexander Garlejo, Nurse iti RHU Cervantes nga adda iti napasamak nga aksidente iso nagresponde da.
Basar ti imbestigasyon, daldalyasaten ti truck nga aglaon ti groceries ti Suyo-Cervantes road nga agpapadaya a direksyon idi nadanon na ti sumalog a paset ti kalsada ket naawanan ti kontrol ti manibela ken naawanan ti preno a puon ti pannakadisgrasyada.
Nagsagaba ti minor injury dagiti nakalugan nga insigida a naipan iti to Ilocos Sur District Hospital, Cervantes, Ilocos Sur.
