Motorsiklo, nauram iti ili ti Narvacan

Maysa a motorsiklo ti nauram idiay national highway sakupen ti Barangay San Antonio, Narvacan, Ilocos Sur.

Ti motorsiklo ket minaneho ti maysa a menor de edad nga agtawen ti sangapulo ket innem, backrider na ti maysa met laeng a menor de edad nga agtawen ti sangapulo ket tallo, agpada nga estudyante ken residente ti nadakamat nga ili.

Basar iti imbestigasion, ti pannakauram ti motorsiklo ket gapu ti electrical ignition manipud iti ag-leak a gasolina iti carborador ti lugan.

Gapu dayta, nadadael ti lugan idinto a saan a naan-ano dagiti nagkalubbon iti motorsiklo.