VIGAN CITY – Nabigbigen ti akinkukua ti motorsiklo a nasarakan iti kaunasan idiay Brgy. Maynganay Sur, Sta. Maria a ni Alfredo Domingo, agtawen iti tallopulo ket pito nga agnaed idiay San Roque, Santiago ken maysa a kolektor iti kooperatiba.
Iti pannaki-uman ti Bombo Radyo Vigan ken ni PLt. Joel Dasargo, October 26 pay laeng idi mapukpukaw ti motorsiklona nga isu ti panangipakaammona met laeng kadagiti pannakabagi ti linteg idiay Santiago pakairamananen ti Highway Patrol Group ta nalipatanna ti tulbek iti lugan idi imparkingna iti sangwanan ti pagtaenganda.
Nakita pay laeng ti kaanakan ti akinkukua nga adda naglugan a dua iti motorsiklona ket intarayda.
Nangngeg ti akinkukua nga adda ti naireport a motorsiklo a nasarakan idiay Sta. Maria isu a napanna bineripika ket natakuatanna nga isu ti mapukpukaw a luganna.
