Mapukpukaw ti motorsiko a kukua ti maysa a carwash boy, taga-Barangay Salvador 2nd, Candon City, Ilocos Sur.
Ti motorsiklo ket kukua ni Carlo Boraquiel, agtawen iti duapulo, taga-Purok 2, Bogñabong, Tabaco City, Albay.
Nagreport ti biktima iti Santiago Police Station a ti Honda TMX 125 nga agmaris iti nalabaga ket intaray ti katrabahoanna idiay SJS Car Wash and Detailing Center.
Alas nuebe iti rabii ti Hunyo 29, 2025 nabati ti biktima ti motorsiklo a nakatulbek iti sangwanan ti pagub-ubraanda ken napanda nagidda a dua ti suspek.
Alas tres y media iti parbangon ti June 30, nakariing ti biktima ket nadlawna nga awanen ti suspek ti abayna.
Rimuar ti biktima ket nakitana ti suspek a mangidurduron iti motorsiklona ngem impagarupna laeng a bulodenna.
Nupay kasta, agingga ita nga aldaw, saan latta a simmungsungbat ti suspek kadagiti tawag kenkuana ken saan a mapan agtrabtrabaho.
