Nairekord manen ti minor strombolian activity ken lava effusion manipod Bulkang Mayon kas pinasingkedan ti Philippine Institute of Volcanology and Seismology (PHIVOLCS).
Napasamak iti nasao nga aktibidad manipod 7:28 PM agingga 7:31PM idi July 2, 2026.
Segun ti ahensya, agtultuloy iti maika-178 nga agsasaruno nga aldaw nga effusion eruption iti Bulkang Mayon a gappuanan ti panagayos iti lava, pyroclastic density currents (PDCs) wenno uson ken dagiti panagdayyeg iti bato.
Agtaltalinaed ti Alert Level 3 iti Bulkang Mayon a mangipasimudaag iti nangat-ngato a lebel a panagalboroto iti bulkan ken agtaltalinaed ti posible a napeggad nga aktibidad.
Gapu dayta ket napalagipan ti Phivolcs ti publiko iti nainget a pannakaiparit ti panagserrek iti uneg ti innem a kilometro a Permanent Danger Zone (PDZ) tapno maliklikan ti peggad gapu iti agtultuloy nga aktibidad ti bulkan.
