VIGAN CITY – 1.2 a milion a pisos manipud kadagiti miembro ti Northern Luzon Alliance ti naur-oren para iti relief drive kadagiti nadidigra idiay Cagayan ken Isabela gapu iti bagyo Ulysses nga immunan a nangikari a tumulong.
Iti pannaki-uman ti Bombo Radyo Vigan ken ni Ilocos Sur 1ST District Rep. DV Savellano, manarimaanen ti panangkolekta ti treasury kadagiti pondo ta mammaminsanton ti pannakaiwarasna kadagiti nasao a lugar a naapektaran iti bagyo.
Adda dagiti nagboluntaryo a kongresista a nangkissay iti sueldoda para iti relief drive ken sumagmamano kadakuada ti nakaipaayen ti pakpakauna a pondo.
Inlawlawag ti kongresista a ti nasao a gatad ket naggapu laeng kadakuada nga agpanpandaylinteg iti Northern Luzon pakairamananen dagiti Ilokano a kongresista idiay Metro Manila sabali pay ti ipaay dagiti miembro ti kongreso nga ur-urnosen ni House Speaker Lord Allan Velasco.
