Ti panagkita ti Philippine National Police (PNP) ket adda kainaigan ti naala a kuarta iti Mactan-Cebu International Airport iti ransom nga imbayad ti pamilia ti nadukot ken napapatay a Filipino-Chinese a negosyante a ni Anson Tan Que.
Nakemmeg iti sangapulo ket maysa a tattao wenno dua a Pilipino ken siam a gangannaet manipod China iti nasai nga airport kalpasan ti pannakadiskubre dagiti pito a bagaheda a naglaon iti P441 million a kuarta.
Segun ken ni PNP Spokesperson Brig. Gen. Jean Fajardo, nagiruar dagiti suspek ti certification a nangabakda iti casino ken ti White House Club iti intermediary.
Idi laeng kallabes ket binigbig ti PNP ti White House ken 9 Dynasty Group a junket operators a nakaawatda ti ransom manipod pamilia ni Tan.
Idi Abril ket nasarakan ti bangkay ni Tan ken driver na a ni Armanie Pabillo idiay Rodriguez, Rizal.
Iti agdama ket tallo a suspek iti naibalud idint a dua iti masapsapul pay laeng.
