Imbutaktak ti Commission on Audit (COA) a minilion a pisos manipud iti Special Education Fund (SEF) iti Metro Manila ti agtaltalinaed nga unutilized wenno saan nga usto a nagastos ti sumagmamano a lokal a gobierno.
Walo a siudad ti nakitaan ti dakkel nga iregularidad, kangrunaanna ti kurang a pannakausar ti pondo iti laksid dagiti kasapulan iti edukasion.
Naaramat pay ti pondo para kadagiti unauthorized expenses kas iti utilities ken sueldo kadagiti pagadalan nga saan nga agkurkurang ti staff na.
Maysa ditan ti Pasig City nga addaan ti P131 milion nga “unspent”, idinto a P410 milion ti unutilized funds ti Pasay City para iti pannakaibangon ti pagadalan.
Ti Parañaque, Muntinlupa, ken Las Piñas ket nakitaan ti underutilization.
Ti met Marikina ken Valenzuela Cities ket misused funds para ti ineligible expenses, agraman dagiti bonus dagiti empleado.
Nagpanawagan ti COA ken EDCOM 2 iti accountability ken nasaysayaat a frameworks tapno masigurado ti usto a pannakausar ti Special Education Fund.
