VIGAN CITY – Kinumpirmaran ni Department of Budget and Management Secretary Amenah Pangandaman a maawat dagiti kwalipikado a kameng ti gobierno ti midyear bonus da inton bigat, Mayo 15.
Ti midyear bonus ket katukad ti makabulan a basic pay dagiti kwalipikado a kameng ti gobierno agingga iti Mayo 15. `
Maited kadagiti maiparbeng nga empleado nga agtrabtrabaho iti saan a bumaba iti uppat a bulan manipud Hulyo 1 idi napan a tawen agingga Mayo 15 iti agdama a tawen.
Dagiti empleado ket nasken nga adda latta iti serbisyo ti gobierno manipud Mayo 15 ita a tawen ken nakaawat iti saan a nabab-baba iti satisfactory performance rating period, wenno mayannatup iti panawen ti performance appraisal.
Maited ti midyear bonus kadagiti civilian personnel, karaman dagiti regular, casual ken contractual employees kasta payen dagiti appointive wenno elective positions, uray dagiti full-time wenno part-time, kadagiti branch ti Executive, Legislative ken Judicial branches, Constitutional Commission, ken dadduma pay a Constitutional Offices, State Universities and Colleges ken Government-Owned or Controlled Corporation a sakup ti Compensation and Position Classification System, kasta payen dagiti local government units.
