Nagpanawagan ni Senador Mark Villar nga ibilang ti mental health concerns a kas kapateg ti physical illness, kangrunaan iti dumakdakkel a bilang ti agtutubo a sumangsango ti mental health struggles.
Segun ken ni Villar, ‘deserve’ ti amin nga indibidwal ti healthcare systems a mangkita ti mental health kas kinapateg ti physical health.
Segun iti Philippine Statistics Authority, 3, 379 a tattao ti natay gapu iti intentional self-harm idi 2024, nangatngato ngem iti 3, 133 idi 2023.
Kabayatanna, dandani 2, 000 suicide cases ti nairekord ti PNP manipud Enero agingga Hunyo 2025.
Nagpanawagan ni senador Villar ti nayon a mental health facilities ken professionals, kasta met dagiti addang tapno maikkat ti stigma a manglaplapped kadagiti tao nga agkidkiddaw ti tulong.
