--Ads--
VIGAN CITY – Nalmes ti maysa a menor de edad iti kabaybayan a paset ti Brgy.Luba, Sta. Lucia.
Iti pannaki-uman ti Bombo Radyo Vigan kenni PCapt. Juan Jhayr Maggay ti Sta. Lucia Police Station, ti biktima ket agtawen ti sangapulo ket lima a napan nagdigos iti kabaybayan iti nasao a lugar kaduana dagiti gagayyemna ket idin limmong-ao da nadlaw da a mapukpukawen ti biktima isu a nagpaarayatda.
Nasarakan ti bangkay ti biktima babaen iti pannakaisagodna iti iket nga inpurwak dagiti timmulong a nangsapul kenkuana.
Nagpalagip ti Sta. Lucia kadagiti umili a siputan dagiti ubbing nga agturong iti baybay, karayan ken dadduma pay.
-- ADVERTISEMENT --
