--Ads--
Maysa a menor de edad ti dandani nalmes iti Santiago Cove, Barangay Sabangan, Santiago, Ilocos Sur.
Ti menor de edad ket agtawen iti sangapulo ket lima, agnaed iti Malabon, Metro Manila.
Nakaawat ti Santiago Police Station nga adda napasamak a pannakalmes iti nasao a lugar isu a dagus a nagresponde dagiti pannakabagi ti linteg.
Segun iti kabsat ti menor de edad, aglanglangoyda iti nasao a lugar idin ta nakitana ti kabsatna nga agpapaarayat.
-- ADVERTISEMENT --
Dagus met a nagpatulong kadagiti agindeg ken dagiti nagturong iti kabaybayan tapno maisalakan ti kabsatna.
Naipan iti ospital ti menor de edad nga ita ket manarimaanen nga agpapalaing.
