--Ads--
VIGAN CITY – Nadundunor ti nagmaneho iti motorsiklo ta nakadinnungpar na ti maysa a Van idiay Sito Lidaoan, Barangay Matibuey, San Emilio.
Maysa a menor de edad ti nagmaneho iti motorsiklo nga agnaed idiay Sitio Cangao, Brgy. Tiagan idinto a ti nagmaneho iti van ket nabigbig a ni Andro Guiniden, agtawen ti dua pulo ket pito nga agnaed idiay Barangay Legleg, Quirino.
Agpalaud ti nakamotorsiklo idi nasabat na ti van iti linyana a poon iti aksidente ken nakadunuran ti nagmaneho iti motorsiklo idinto a saan a naan-ano ni Guiniden.
Madama pay laeng iti imbestigasyon dagiti otoridad nu siasino iti ad-adda nga akin-basol iti aksidente.
