Dead on arrival ti menor de edad nagmaneho iti motorsiklo gapu iti pannakaidungparna iti dua a lugan idiay Barangay Suso, Sta. Maria, Ilocos Sur.
Ti drayber ti Yamaha Aerox a motorsiklo ket agtawen iti sangapulo ket lima, agnaed iti Cabaroan, Sta. Maria,
Ti white Foton Traveller van ket minaneho ni Renante Batinggal Bolanio, agtawen iti uppat a pulo ket pito, taga-Fairview, Quezon City.
Kabayatanna, ti HOWO 16-wheeler truck ket minaneho ni Charles Butangen Camil, agtawen iti tallopulo ket siam company driver, taga-Baguio City, Benguet.
Agpapa-amianan ti van ken motorsiklo, ket idi nagtengda ti nakapasamakan ti insidente, nag-overtake ti motorsiklo iti kannawan a paset ti kalsada ket naidungpar iti sangwanan a paset ti van.
Gapu dayta, saan a nakontrol ti drayber ti motorsiklo iti manibelana agingga a naidungpar iti trak a naiparking iti kannawan a shoulder lane.
Nagsagaba iti fatal head injury wenno dunor iti ulo ti drayber ti motorsiklo a naipaagas iti ospital ngem saan a nakalasat.
Saan met a naan-ano dagiti drayber ti van ken pasaherona, agraman ti drayber ti trak.
Nakakustodian iti Sta. Maria Police Station dagiti lugan para iti proper disposition.
