Nagpanawagan ti Meat Importers and Traders Association iti gobierno nga ibabawi ti baro a pork import allocations iti salinong ti revised minimum access volume guidelines.
Segun ken ni MITA president emeritus Jesus Cham, nasken a maisubli ti dati a sistema ti MAV allocation ta adu ti agdama nga import allocation ti saan pay a naaramat ken mabalin pay a maibabawi tapno saan a maapektaran ti operasion.
Impaganetgetna a ti pannakaisubli ti dati a sistema ket makatulong tapno mapagtalinaed ti stability ti supply chain ken business relationship, kasta payen ti panangsurot ti pagilian iti bilateral commitment-da iti Amerika.
Ti panawagan ket kasaruno ti panangaprubar ni Presidente Ferdinand Marcos Jr ti nayon a 150,000 metric tons ti pork imports iti salinong ti Executive Order No 116.
