VIGAN CITY – Natay ni Rodel Parbo, agtawen ti tallo pulo ket dua, baro, nga agnaed idiay Barangay Maas-asin, Magsingal idinto a nadunor iti akin-kannigid a ramay ni Franky Usana, agtawen ti tallo pulo ket tallo nga agnaed idiay Barangay Patong, Magsingal ta pinaltugan ida dagiti saan pay nabigbig a suspek idi rabii idiay San Julian, Magsingal.
Nakalugan ti Honda Wave 100 motorcycle dagiti dua a ti nagmaneho ket ni Usana idinto a ni Parbo ti backrider.
Agpapa-amiyanan dagiti dua idi adda dagiti saan pay nabigbig a suspek a nangpalto-paltog kadakuada a nakadunuran ni Usana idinto a nagsagaba met iti tama iti paltog iti naduma-duma a paset iti bagi na ni Parbo a poon iti nakatayan na.
Ti agdama, manarimaan iti naing-inget nga imbestigasyon dagiti pannakabagi iti linteg inaig iti napasamak.
