VIGAN CITY – Mangnamnama ni Jose L. G. Fuentes a taga- Sitio Bato, Casile, Consolacion, Cebu a nu mangngeg ti dati a nobya na ti kanta na a napaulwan ti LDR ket agsinnubliyanan danto.
Ni Fuentes ket maysa kadagiti sangapulo ket dua a finalist iti maikatlo a Bombo Music Festival nga agpabuya iti live performance idiay Iloilo City inton January 11, 2020.
Daytoyen iti maikadua a gundaway a nakastrek ni Fuentes iti top 12 finalists ti Music Festival ta iti damo idi ket idi 2017 babaen ti song entry na a Panumpa.
Kabayatanna, uray la nagikkat iti trabaho na ni Dave Alvarado ti Villa Asuncion Tetuan, Zamboanga City tapnu tutukan na iti panagsurat na iti kanta.
Daytoy iti umuna a gundaway a makastrek ni Alvarado iti aniyaman a klase ti song-writing competition isu a nainget to iti panagsagana ken panagsanay na tapnu napintas iti performance na, kadua na ti kasinsin na a mangkanta ti song-entry da a napaulwan ti “Vows”.
