Natakawan ti maysa senior citizen a babai iti P110,000 iti Chowking idiay Barangay San Antonio, Candon City, Ilocos Sur itay 12:07PM (January 5, 2025).
Segun ti Candon City Police Station, ti biktima ket agtawen iti pitopulo ket tallo, balo nga agnaed idiay Barangay Quinsoriano, Sta. Cruz idinto a dagiti suspek ket saan a nabigbig.
Nagreport ti biktima kadagiti otoridad inaig iti pannakasalisina idi napan iti fast food chain itay alas dose iti aldaw kaduana ti kasinsinna.
Iti CCTV footage iti fast food chain, inasitgan dagiti suspek ti biktima nga isu metten ti panangalada ti wallet-na nga adda linaonna a P100,000 cash ken agduduma nga ID’s, pakairamanan payen iti P10,000 cash a naipan iti uneg ti bagna.
Agtultuloy iti imbestigasyon iti nasao a pasamak para iti posible a pannakabigbig dagiti suspek.
