VIGAN CITY – Maysa a senior citizen ti nakemmeg ta nangsitdot iti alahas iti padana met laeng a senior citizen idiay Barangay Poblacion, San Vicente, Ilocos Sur.
Ti nasao a biktima ket ni Catalina Romo Romena, agtawen iti innem a pulo ket walo, naasawaan nga agnaed idiay Barangay San Sebastian, San Vicente idinto a ti suspek ket padana met laeng a senior citizen a ni Estrella Sinco Basuil, agtawen iti pitopulo ket uppat, balo nga agnaed idiay Barangay Pug-Os, Cabugao.
Segun ti Cabugao Municipal Police Station, nakaawatda ti tawag a nangipakaammo iti nasao a pasamak iti nasao a lugar ket iti panagrespondeda, naamoan a gumagatang ti agas ti biktima para ti pag-maintenance na iti maysa a drug strore idi adda dimteng a grupo a nangiduron kenkuana ken pappapanawenda idin kellaat a pwinersa ti suspek nga innala ti nakasuot a gold a kwentas iti biktima a mapatta patta nga aggatad ti P50,000.
Timmaray ti suspek isu a nagpaarayat ti biktima a napan iti tiendaan ket sakto nga ur-urayen isuna ti asawa nga isu ti nangkamait ti suspek sana tinengngel.
Ti nasao a suspek ket naipan iti Rural Health Unit San Vicente para ti medico legal examination ket maisagsaganan dagiti dokumento a maipila kontra kenkuana.
Iti pannaki-uman ti Bombo Radyo Vigan ti suspek ket pinaglibakanna ti panangsitdotna ti kwentas iti biktima ket kinunana nga adda kinasinnarakna iti nasao a luagr ket inyawatda kenkuana ti kwentas ngem saanna nga ammo a kukua dayta ti biktima.
Segun kenkuana, masmasdaaw ta isuna laeng ti kinemmeg dagiti otoridad a gappuanan ti pannakaibaludna.
VIDEO – ESTRELLA SINCO BASUIL
Inlawlawag met ni PCpt. Pedro Halover iti San Vicente Municipal Police Station a nakita mismo iti bagna iti kwentas ket patienna nga agsalsalawasaw ta awan ti mangamin ti madi nga aramidna.
Segun ken ni Halover, adda ti warrant of arrestna idi December 14, 2023 gapu ti kasona a theft idiay Pangasinan ngem nakapyansa iti gatad a P3,000.
Nupay kasta ket agtultuloy latta iti imbestigasyon inaig iti nasao a pasamak.
VIDEO – PCPT PEDRO HALOVER
