2 a drayber, nadunor iti panagdinnungpar dagiti minanehoda a motorsiklo

2 a drayber ti nadunor iti panagdinnungpar dagiti minanehoda a motorsiklo iti Barangay Tay-ac, Bantay, Ilocos Sur.

Agpapadaya ti Mio idinto nga agpapa-abagatan met ti TMX 125 motorcycle.

Idi magteng dagiti 2 a motorsiklo ti kurbada a paset ti kalsada, isu met ti gundaway a nagdinnungparda.

Naipaagas iti ospital dagiti drayber para iti pannakatamingda.