Impaganetget ni House Committee on Public Accounts Chairperson ken Bicol Saro Partylist Rep. Terry Ridon iti legal team ni Vice President Sara Duterte a sumardengdan iti kinalaingda a sumao.
Segun ken ni Ridon, ti nasken nga aramiden dagiti abogado ni VP Sara ket agparang iti final impeachment hearing ti House Committee on Justice inton Abril 29 kaduada ti bise presidente.
Innayon ni Ridon nga iti impeachment hearing a nasken nga aramidenda ti argumento saan a babaen iti panangiruar iti social media statement.
Patien ti kongresista nga iti impeachment proceeding ti husto a lugar tapno sungbatan dagiti isyu kontra ken ni VP Sara kas ti saan a husto a pannakaaramat ti confidential funds, saan a mailawlawag a kinabaknang, bribery, ken panagpangta iti biag ti presidente ken dadduma pay.
