VIGAN CITY – Manarimaan pay laeng iti naun-uneg nga imbestigasyon dagiti otoridad iti napasamak a panagtakawan idaiy Paing Elementary School, Paing, Bantay, Ilocos Sur.
Segun ti administrative aide a ni Juanito Mariñas a tallo pulo ket maysa a tawenen nga agtrabtrabaho iti nasao a pagadalan, idi mapan na lukatan dagiti kwarto iti pagadalan ken agiddep iti silaw ket nadlaw nan a nakalukat iti opisina ti principal ken ti computer room da.
PHOTO: Personnel of Bantay MPS investigating the crime scene
Maibasar iti inisyal nga imbestigasyon, napursaran a nalukatan iti arwangan ti Principal’s office ken ti computer room isu a nakastrek dagiti suspek nga agingga itatta ket saan pay a nabigbig dagiti otoridad.
Karaman kadagiti mapukpukaw nga alikamen kadagiti dua a room ket maysa a flat screen TV, laptop, dua a portable speaker ken cash money nga aggatad iti PHP 2,290.
Mainaig dayta, plano ni Principal III Ernalyn Cortez iti mangala ti guwardiya nga agbantay iti pagadalan da ken kiddawen nanto kadagiti opisyal ti Brgy. Paing nga adda dagiti tanod nga agbantay iti aglawlaw iti pagadalan.
Naamuan a daytoyen iti maikatlo a gundaway a matakawan iti nasao a pagadalan ngem iti maysa kadagiti insidente ket naduktalan dagiti otoridad nu siasino dagiti nagtakaw.
