Pimmusayen iti dati a Philippine basketball standout ken two-time Olympian a ni Edgardo Roque iti tawenna a walopulo ket walo kas pinasingkedan ti basketball community iti pagilian.
Ni Roque ket nasikat a dati a varsity player iti Jose Rizal University sakbay a simrek iti commercial basketball league iti MICAA, a nagay-ayamanna para ti Ysmael Steel idi 1985-1963, YCO Painters idi 1964 agingga 1970 ken Mariwasa idi 1971 agingga 1973.
Iti international stage, nagbalin a paset isuna ti Philppine national basketball team ken nagpresentar ti sumagmamano a dakkel a torneo. Karaman dayta ti 1960 Rome Olympics ken panagbalin a paset ti pool para iti 1968 Mexico Olympics kas alternate.
Maysa pay isuna kadagiti timmulong iti Pilipinas a nakaala ti gold medal iti 1962 Asian games ken nakipaset iti agduduma a FIBA Asia Championships idi 1960s, pakairamanan ti 1963, 1965, ken 1967 editions.
Nakaay-ayam pay iti 1964 Pre-Tokyo Olympic qualifiers ken nagbalin a paset ti 1967 FIBA Asia Championship-winning Philippine Team.
Nabigbig ni Roque kas maysa kadagiti napateg a paset ti golden time ti Philippine basketball ken dakkel ti kontribusyonna iti balligi iti pagilian iti international competitions.
