--Ads--
VIGAN CITY – Maysa a lalaki ti nakemmeg ken nakalibas dagiti kadduana nga agsusugal ti natayan idiay Brgy. Pug-os, Sinait.
Nabigbig ti nakemmeg a ni Bernardo Ibatuan agtawen lima pulo ket pito, aglaklako ti ikan ken agnaed ti nasao a barangay.
Basar ti report manipod Sinait Municipal Police Station, inwayatda ti operasyon kontra kadagiti suspek nga agsusugal ti maysa a natayan iti nasao a barangay ket naaktoanda nga agayayam iti Lucky 9 ti lima a tattao ngem nakalibas ti uppat.
Kinumpiskar dagiti otoridad ti baraha, tallo gasut tallo pulo ket uppat a pisos a pusta ken iti agdama maisagsaganan ti kaso a panaglabsing ti PD 1602 kontra ti nakemmeg a suspek.
-- ADVERTISEMENT --
