VIGAN CITY- Maysa a lalaki a mapapati nga agtawen iti duapulo ket maysa agingga duapulo ket uppat iti siudad ti Vigan ti nangkettel iti bukodna a biag.
Maibasar kadagiti naala nga impormasyon, posible a maipanggep ti problema iti ayat gapu iti saanda a pagkinnaawatan iti live in partner na iti napalpalabas nga aldaw.
Segun kadagiti kameng ti pamilya na, awan iti nadakdakamat ti biktima a problemana ta nakisango pay laeng a nakiinum idi kalman ti rabii, ken makitada a naragsak.
Ngem idi kalman, manipud bigat saanen rimrimmuar ti biktima ti kuartona ken saan a simrek iti trabahona.
Impagarup ti pamilyana a madi ti bagbagina isu a binaybay-an da, ngem idi mapanda tugtugen ti kuarto na awan iti sumungsungbat isu a kinugtaran ti amana iti ridaw ti kuarto na ket dita metten a nakitada a nakabitin ti biktima iti steel window
Patien dagiti kameng ti pannakabagi iti linteg a posible a sakbay wenno kalpasan iti pangngaldaw a napasamak iti panangkettel na iti bukodna a biag kas makita iti itsura ti biktima.
Kabayatanna, mannarimaan pay laeng iti imbestigasyon para iti naan-anay a detalye.
